[justify]
أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه
¤¤
يالغايب الحاضر معي وسط الافكار
يالمرتوي منّي .. وأخايل سرابك
انت المطر وانت البَرَدْ وانت الانهار
وشلون أضما بوقفتي عند بابك .؟
وإنت الفضا يالرحب .. والباقي أسوار
أضيق فيهم وأتفيّا سحابك
¤¤
الليالي مدت كفوووف الهدايا
كف جرح وكف مايرحم خويه
تدري الأيام في بعدك سوت بي سوايا
تنثر الآهات بعيووني هديه
وكان حبك عيب ياحلو الخطايا
إيه احبك وارتفع قدر الخطيه
¤¤
يموت العاشق المغرم وهو ينطر يشوف مناه
يموت ولا لقا خل(ن) حياة الهم يبعدها
لكن الصاحب الغالي عسى كل العرب تفداه
مادامه أهو جنبي حياتي وش ينكدها
¤¤
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
حتى القمر لاغاب شفتك محله
خلاص لاترجع ترا خاطري طاب
ابي طرا اللي كنت عايش بظله
رح واعتبرني واحد اذنب وتاب
ماني بثوب تلبسه ثم تمله
الإثنين ديسمبر 20, 2010 4:57 pm
